Kúluþyrpingin Messier 4 og staðsetning stjörnunnar óvenjulegu

Á þessari mynd Wide Field Imager á 2,2 metra MPG/ESO sjónaukanum í La Silla stjörnustöðinni sést kúluþyrpingin Messier 4. Þessi stóri bolti úr öldruðum stjörnum er ein nálægasta kúluþyrpingin við jörðina og er að finna í stjörnumerkinu Sporðdrekanum, skammt frá björtu rauðu stjörnunni Antaresi.

Nýjar mælingar með Very Large Telescope ESO hafa sýnt að ein stjarnan — merkt á þessari mynd — hefur miklu meira liþíum en aðrar stjörnur í þyrpingunni sem hafa verið rannsakaðar. Uppruni þessa liþíums er dularfullur. Alla jafna eyðileggst þetta frumefni hægt og bítandi á milljarða ára löngu æviskeiði stjörnunnar en svo virðist sem þessi stjarna geymi leyndarmálið á bak við eilífa æsku. Annað hvort hefur henni tekist að viðhalda upprunalega liþíuminu eða fundið leið til að auðga sig sjálf af nýju liþíumi.