Mynd VST af stjörnumyndunarsvæðinu Messier 17

Fyrsta myndin sem birtist frá VST sjónaukanum er af Messier 17, glæsilegu stjörnumyndunarsvæði, sem einnig er þekkt sem Omegaþokan eða Svansþokan. Þetta víðfeðma ský úr gasi, ryki og heitum, ungum stjörnum er í hjarta Vetrarbrautarinnar í stjörnumerkinu Bogmanninum. Sjónsvið VST er svo stórt að þokan, þar á meðal daufari ytri hlutar hennar, sést í heild sinni — og myndin er einstaklega skörp. Gögnin voru unnin með Astro-WISE hugbúnaðinum sem E.A. Valentijn og samstarfsfólk í Groningen og annars staðar þróuðu.