ESO is the foremost intergovernmental astronomy organisation in Europe and the world's most productive astronomical observatory. It operates three sites in Chile — La Silla, Paranal and Chajnantor — on behalf of its fifteen member states. It builds ALMA together with international partners, and designs the European Extremely Large Telescope .

ESO, the European Southern Observatory, builds and operates a suite of the world's most advanced ground-based astronomical telescopes

Sjá allt | Subscribe |

Fréttatilkynningar

16. maí 2012 - Photo Release eso1221

Dýpri mynd af Centaurus A

Vetrarbrautin furðulega Centaurus A sést hér á nýrri mynd Stjörnustöðvar Evrópulanda á suðurhveli. Heildarlýsingartíminn nam 50 klukkustundum svo hér er að öllum líkindum um að ræða dýpstu mynd sem til er af þessu skrítna en glæsilega fyrirbæri. Myndin var tekin með Wide Field Imager á 2,2 metra MPG/ESO sjónaukanum í La Silla stjörnustöðinni í Chile.

9. maí 2012 - Photo Release eso1220

VISTA skoðar stóra kúluþyrpingu

Á nýrri mynd VISTA, innrauða kortlagningarsjónauka ESO, af Messier 55 sjást tugir þúsunda stjarna þyrpast saman eins og býflugnasvermur. Stjörnurnar eru ekki aðeins þétt saman á tiltölulega litlu svæði heldur eru þær meðal hinna elstu í alheiminum. Stjörnufræðingar rannsaka Messier 55 og aðrar gamlar kúluþyrpingar til að átta sig á þróun vetrarbrauta og því hvernig stjörnur eldast.

2. maí 2012 - Photo Release eso1219

Horft inn í ryk í belti Óríons

Á nýrri mynd af svæðinu í kringum endurskinsþokuna Messier 78, sem er skammt norður af Sverðþokunni í Óríon, sjást ský úr geimryki sem þræða sig í gegnum þokuna líkt og perlufesti. Mælingarnar voru gerðar með Atacama Pathfinder Experiment (APEX) sjónaukanum [1] en þær sýna varmageislun rykagnanna og hjálpa stjörnufræðingum að sjá hvar nýjar stjörnur eru að myndast.

25. apríl 2012 - Photo Release eso1218

Þyrping innan í þyrpingu

Þessi nýja mynd af stjörnuþyrpingunni NGC 6604 var tekin með Wide Field Imager á 2,2 metra MPG/ESO sjónaukanum í La Silla stjörnustöðinni í Chile. Þyrpingin hverfur gjarnan í skuggann af nágranna sínum, Arnarþokunni, sem er aðeins eitt vænghaf eða svo í burtu. Þessi mynd sýnir aftur á móti vel hve fögur NGC 6604 er út af fyrir sig innan um landslag gas- og rykskýja.

18. apríl 2012 - Science Release eso1217

Kenningar um hulduefni í alvarlegum vanda? — Ný rannsókn sýnir skort á hulduefni í nágrenni sólarinnar

Engar vísbendingar fundust um hulduefni á stóru svæði umhverfis sólina í nákvæmustu rannsókn sem gerð hefur verið hingað til af hreyfingum stjarna í vetrarbrautinni okkar. Stjörnufræðingar áttu von á að nágrenni sólar væri uppfullt af hulduefni, dularfullu ósýnilegu efni sem einungis er hægt að greina út frá þyngdartogi þess, samkvæmt þeim kenningum sem njóta mestrar hylli. Ný rannsókn stjörnufræðinga í Chile sýna að þessar kenningar koma ekki heim og saman við niðurstöður mælinga. Þetta gæti þýtt að tilraunir manna til að greina hulduefnisagnir með beinum hætti séu ekki vænlegar til árangurs.

Sjá allt | Subscribe |

Tilkynningar

22. maí 2012 — ann12032 ESO gerir samning um þróun aðlögunarsjóntækja E-ELT	15. maí 2012 — ann12035 Helmingurinn kominn: 33 loftnet ALMA á Chajnantor
10. maí 2012 — ann12033 ESOcast 43: Að sjá skýrt — Sérstakur 50 ára afmælisþáttur #3	27. apríl 2012 — ann12031 Viðburðir í tilefni 50 ára afmælis ESO
27. apríl 2012 — ann12030 ESO ferðast til tunglsins og aftur til baka á 50 ára afmælisári sínu

Um ESON

ESO education and Public Outreach Department hefur komið upp tenglsanet í aðildarríkjum ESO og fleiri löndum. Meðlimir þess eru tengiliðir ESO við fjölmiðla í sínu heimalandi og gegna því hlutverki að segja frá starfsemi ESO, fréttatilkynningum og svo framvegis. Á sama tíma geta þeir komið á gagnlegum tengslum milli fjölmiðla og vísindamanna á þessu sviði. Meðlimir tengslanetsins (ESON), eða fulltrúar þeirra, er alla jafna fólk sem hefur vísindamiðlun að fullu starfi og þekkir til helstu aðila í sínu landi, eins og fjölmiðla og háskólafólks, og á í reglulegum samskiptum við þá. Tengiliðirnir geta fundið þjóðleg sjónarhorn á fréttir af samtökunum, hafa mikinn hug á að koma starfsemi ESO á framfæri og leggja reglulega sitt af mörkum um hver sé besta leiðin að þeim markmiðum. Í hnotskurn er hlutverk þeirra að: „Vera tengiliðir ESO við fjölmiðla og hafa umsjón með miðlun stjarnvísinda í aðildarríkjunum og mögulegum aðildarríkjum, með það markmið að koma ESO á framfæri og vekja athygli á þeim fjölmörgu þáttum stjarnvísinda sem veitir fólki innblástur.“ Hér er hægt að nálgast.

Hér má nálgast frekari upplýsingar um ESON: http://www.eso.org/public/outreach/eson.html

Contact and Biography

Sævar Helgi Bragason

Center for Astrophysics and Cosmology
University of Iceland
Dunhaga 5 (Tæknigarður)
107 Reykjavík
Iceland
Tel: +354-896-1984
E-mail: eson-iceland@eso.org

Sævar er fæddur 17. apríl 1984. Hann hefur haft áhuga á stjörnufræði eins og lengi og hann man eftir en heillaðist gjörsamlega þegar hann sá Satúrnus í fyrsta sinn í gegnum sjónauka á unga aldri. Hann hefur kennt stjörnufræði í nokkrum framhaldsskólum og verið leiðbeinandi í Háskóla unga fólksins um árabil en auk þess starfað við vísindamiðlun á Raunvísindastofnun Háskóla Íslands. Sævar er einn af ritstjórum Stjörnufræðivefsins og er formaður Stjörnuskoðunarfélags Seltjarnarness, stærsta félags áhugamanna um stjörnufræði og stjörnuskoðun á Íslandi. Hann stundar nú nám í stjarneðlisfræði við háskólann í Lundi í Svíþjóð en hefur áður stundað nám í jarðfræði við Háskóla Íslands. Af öðrum áhugamálum má nefna gönguferðir um íslenska náttúru, fótboltagláp (ástríðufullur aðdáandi Liverpool), ljósmyndun og að hugsa um son sinn sem fæddist á gamlársdag árið 2010.

Vefsíða Sævars. Sævar á Facebook, Twitter og Flickr

ESO in your language

Member States:
Non-Member States:		Host State:
Languages:	Česky • Dansk • Deutsch • English • Español • Français • Íslenska • Italiano • Nederlands • Norsk • Polski • Português • Shqip • Suomi • Svenska • Türkçe • Русский • українська